Medınadan Almatyǵa ushqan SCAT áýe kompanıasynyń ushaǵy Omanǵa májbúrli qondy. Sebep — jolaýshylardyń biriniń densaýlyǵy kúrt nasharlaǵan, dep habarlaıdy infohub.kz saıty.
Oqıǵa Saýd Arabıasynan Qazaqstanǵa ushý kezinde boldy. Oqyrmandardyń málimetinshe, jolaýshyǵa jolda jaǵdaıy nasharlap, áýe kemesiniń komandıri Oman astanasy Maskattaǵy qosalqy áýejaıǵa qoný týraly sheshim qabyldaǵan.
Ushaq qonǵan soń jolaýshy jergilikti medısınalyq qyzmetkerlerge tapsyrylyp, aýrýhanaǵa jatqyzyldy. Qalǵan jolaýshylar ushaqqa janarmaı quıylyp, qajetti rásimderden keıin jolyn jalǵastyrdy.
Áýe kompanıasynyń baspasóz qyzmeti oqıǵany rastady. Onda bortta jolaýshyǵa alǵashqy kómek kórsetilgenin, alaıda odan ári medısınalyq baqylaý úshin qoný týraly sheshim qabyldanǵanyn aıtty. "Jolaýshylardyń qaýipsizdigi, ómiri men densaýlyǵy — áýe kompanıasynyń sózsiz basymdyǵy", — dep atap ótti kompanıada.