Sıetldegi Ǵarysh ınesiniń mańyndaǵy is-shara kesheninde jeksenbi kúni keshke atys bolyp, keminde tórt adam, onyń ishinde bir bala, jaraqat aldy. Bul týraly infohub.kz habarlady.
Polısıa atys oqıǵasyn tergep jatyr jáne turǵyndardy bul aýdannan aýlaq júrýge shaqyrdy. Harborvú medısınalyq ortalyǵynyń ókili Súzan Greggtiń aıtýynsha, aýrýhanaǵa bir sábı, 23 jastaǵy er adam jáne eki eresek áıel, barlyǵy tórt adam jetkizilgen. Onyń sózinshe, bir naýqastyń jaǵdaıy aýyr.
Sıetl ortalyǵynda demalys kúnderi «Sıetl dám tatý» atty tamaq festıvali ótip jatqan bolatyn. Keshki saǵat 6 shamasynda polısıa men jedel járdemniń úlken toby kelip, aýdandy evakýasıalaı bastady. Estan Vakonabonyń aıtýynsha, ol áıel dosymen birge festıváldegi sýretke túsiretin kabınanyń kezeginde turǵan. Sol kezde ony artynan bireý ıterip jiberip, burylyp qarasa, adamdar qashyp bara jatyr eken. «Adamdar tyǵylyp, ıterisip, jerge qulap, bala arbalary da qulap jatty», — deıdi Vakonabo, dál sol sátte ol atys dybystaryn estigen.
«“Pap, pap, pap” degen dybystardy estigende, bul — atys ekenin túsindim», — dedi ol. Áıel dosyn qaýipsiz jerge aparǵan soń, oqıǵa bolǵan jerge qaıta oralyp, sýretke túsirgenin jáne jerde birneshe jaraly jatqanyn kórgenin aıtty. Festıvál 1982 jyly bastalǵan jáne onyń saıtyna sáıkes, «úsh kúndik tamaq, sýsyn jáne qoǵamdyq mereke» aıasynda 350 000 qatysýshyny tartady.