Semeıde er adam áıelin óltirdi degen aıyppen sotqa tartylady. Qaıtys bolǵan áıeldiń týystarynyń aıtýynsha, ony beısbol bıtasymen shamamen 28 ret urǵan, dep habarlaıdy infohub.kz NUR.KZ-ge silteme jasap.
Telegram-arnasy «Krımınalnyı Kazahstan» habarlaǵandaı, qaıtys bolǵan áıeldiń týystarynyń sózine súıensek, sáýir aıynda 52 jastaǵy áıel kúıeýine ajyrasqysy keletinin aıtqan. Birneshe kúnnen keıin er adam onyń zattary men qujattaryn, sondaı-aq ortaq balalarynyń qujattaryn órtep jibergen. «Keıin ol áıelin torýyldap, ony beısbol bıtasymen shamamen 28 ret urǵan. Alǵan jaraqattarynan áıel kóz jumdy. Qaıtys bolǵan áıeldiń týystary er adamnyń kóp jyldar boıy ishimdikke salynǵanyn, áıelin uryp-soqqanyn jáne ol ketýge sheshim qabyldaǵannan keıin ony qýdalaǵanyn aıtady», — delingen jazbada.
Telegram-arnasynyń málimetinshe, oqıǵadan keıin kúdikti jasyrynǵan, alaıda kóp uzamaı ustalyp, qamaýǵa alynǵan. İs «Óltirý» baby boıynsha tergelgen.
Abaı oblysy polısıa departamentiniń túsindirýinshe, qylmystyq is sotqa jiberilgendikten, sot sheshimi shyqqanǵa deıin polısıa departamenti istiń mán-jaıyna túsinikteme berýge jáne dáleldemelerge baǵa berýge quqyly emes.