Semeıde 6 jasar balanyń tentektiginen kólik órtendi. Polısıa qyzmetkerleri oqıǵanyń mán-jaıyn anyqtady, endi balanyń ata-anasy kólik ıesine shyǵyndy óteýi kerek, dep habarlaıdy infohub.kz saıty.
Oqıǵa 15 shildede 352-shi kvartaldaǵy turǵyn úıdiń aýlasynda boldy. Órt týraly habar tótenshe qyzmetke saǵat 18:05-te tústi. Tótenshe jaǵdaılar departamentiniń kelgen qyzmetkerleri órtti dereý sóndirdi.
Tekserý barysynda polısıa qyzmetkerleri beınebaqylaý kameralarynyń jazbalaryn zerdeledi. Órt shyǵýdan sál buryn kólik janynda úsh kámeletke tolmaǵan bala bolǵany anyqtaldy. Aldyn ala málimetter boıynsha, bir bala sirińkemen kólik mańyndaǵy qurǵaq ósimdikterdi órtegen. Órt taraı bastaǵanda balalar qorqyp, qashyp ketken.
Bul mán-jaılar kámeletke tolmaǵandardyń zańdy ókilderin suraý kezinde rastaldy. Vedomstvoda atap ótkendeı, 6 jasar balanyń ata-anasy kólik ıesine keltirilgen zalaldy óteýge tıis.