22 shildede «Semeı ormany» memlekettik orman tabıǵı rezervaty aýmaǵynda úsh orman órti boldy, dep habarlaıdy infohub.kz.
Aldyn ala málimet boıynsha, órtter naızaǵaı razrádtarynan paıda bolǵan.
«Órt oshaqtary «Qazavıaormanqorǵaý» RMQK áýe patrúldeýi jáne orman órtterin erte anyqtaý júıesi arqyly ýaqytyly anyqtaldy. Bul memlekettik orman qorǵaý qyzmetkerleri men avıasıalyq órt sóndirý desantshylaryna órtterdi oqshaýlaýǵa jáne olardyń odan ári taralýyn boldyrmaýǵa kirisýge múmkindik berdi», — delingen Qazaqstan Respýblıkasy Ekologıa jáne tabıǵı resýrstar mınıstrliginiń habarlamasynda.
Orman qorǵaý qyzmetkerleri men «Qazavıaormanqorǵaý» mamandarynyń úılesimdi is-qımyly jáne barlyq qajetti tehnıkanyń ýaqytyly tartylýy arqasynda shaǵyn aýmaqtardy qamtyǵan eki orman órti de jedel joıyldy jáne aınaladaǵy aýmaqqa qaýip tóndirmedi.
Órt qaýipsizdiginiń joǵary synyby jaǵdaıynda qazaqstandyqtar órt qaýipsizdigi talaptaryn qatań saqtaýǵa, ormanǵa uqypty qaraýǵa jáne qorshaǵan ortanyń tazalyǵyn saqtaýǵa shaqyryldy.