Qazaqstan Respýblıkasy Ekologıa mınıstrliginiń habarlaýynsha, «Semeı ormany» rezervatyndaǵy ashyq jalyn tolyǵymen sóndirildi, biraq qutqarýshylar áli de shoqtarmen kúresýde. Bul týraly infohub.kz saıty habarlaıdy.
08:00-degi jaǵdaı boıynsha órtti sóndirýge 769 adam, 191 birlik jerústi tehnıkasy jáne 8 tikushaq jumyldyryldy. Órt táýlik boıy sóndirilýde.
Ekologıa jáne tabıǵı resýrstar mınıstri Erlan Nysanbaev pen Abaı oblysynyń ákimi Berik Ýálı órt aýmaǵyn jeke ushyp sholdy.
«Túngi ýaqytta órtti sóndirý boıynsha búkil perımetr boıynsha jumystar júrgizildi, kúzetý jáne órttiń odan ári taralýyn boldyrmaý úshin shetterin sýlaý iske asyryldy. Kún jaryq bolǵannan keıin órt oshaǵyna qoljetpeıtin ýchaskelerdi sóndirý úshin jaıaý desant dereý jiberildi», — dep atap ótti vedomstvoda.
Ekologıa mınıstrligi qazirgi ýaqytta ashyq jalyn baıqalmaıtynyn qosty. Jekelegen shoq oshaqtaryn joıý boıynsha jumystar júrgizilýde. «Sonymen qatar, ishki órt oshaqtaryna sý tógetin avıasıany keńinen qoldaný uıymdastyryldy», — dep naqtylady mınıstrlikte. Órt sóndirý bastalǵannan beri avıasıa 243 ret sý tógip, órt oshaǵyna 546 tonna sý jetkizildi.
Eske sala keteıik, 16 shildede Abaı oblysynyń Borodýlıha aýdanynda tótenshe qyzmetterdi jumyldyrý jarıalandy. Memlekettik orman tabıǵı rezervaty «Semeı ormany» fılıalynyń aýmaǵynda orman massıviniń iri tutanýy boldy. Bul óńirdegi orman órtteriniń joǵary qaýpin eskere otyryp, sóndirýge iri kúshter jumyldyryldy. Keıin premer-mınıstr Oljas Bektenovtiń tapsyrmasy boıynsha Abaı oblysyna TJM basshysy Shyńǵys Arınov jáne ekologıa jáne tabıǵı resýrstar mınıstri Erlan Nysanbaev bardy. Táýlik ishinde Qazaqstannyń memlekettik orman qory aýmaǵynda 10 orman órti tirkeldi.