16 shildeden beri janǵan «Semeı ormany» memlekettik orman tabıǵı qoryǵyndaǵy órt 28 shildede tolyq sóndirildi, dep habarlaıdy infohub.kz.
Ekologıa mınıstrliginiń baspasóz qyzmetiniń habarlaýynsha, órt qoryqtyń Kamyshen orman sharýashylyǵynda tirkelgen. Ony sóndirýge QR Ekologıa jáne tabıǵı resýrstar mınıstrligi, QR Tótenshe jaǵdaılar mınıstrligi jáne QR Qorǵanys mınıstrliginiń kúshi men quraldary jumyldyryldy. «Barlyq tartylǵan qyzmetterdiń birlesken jáne úılesimdi is-qımylynyń arqasynda órt tolyq sóndirildi», – dep atap ótti vedomstvoda.
Eske sala keteıik, 16 shildede Abaı oblysyndaǵy «Semeı ormany» qoryǵynyń aýmaǵynda orman órti boldy. Ony sóndirý úshin jerústi tehnıkasy men avıasıa paıdalanyldy. Órt saldarynan «DosbolLike» lageriniń 190 balasy men 20 qyzmetkeri evakýasıalandy.