Birneshe kún boıy júzdegen adam men avıasıa kúresken jalyn sóndirildi. «Semeı ormany» memlekettik orman tabıǵı rezervatyndaǵy iri orman órti oqshaýlandy, dep habarlaıdy infohub.kz.
2026 jylǵy 16 shildede paıda bolǵan órt 18 shildede saǵat 9:45-te oqshaýlandy. Mamandar aýqymdy operasıa barysynda jer ústi kúshteri men avıasıany jumyldyryp, ottyń ári qaraı taralýyn toqtata aldy.
Órt sóndirýge «Semeı ormany» jáne «Ertis ormany» memlekettik orman tabıǵı rezervattarynyń qyzmetkerleri, «Qazavıaormanqorǵaý» RMK bólimsheleri, sondaı-aq Tótenshe jaǵdaılar mınıstrligi, İshki ister mınıstrligi, Qorǵanys mınıstrligi, Ulttyq qaýipsizdik komıteti jáne jergilikti atqarýshy organdar kúshteri jumyldyryldy.
Barlyǵy órtpen kúreske 769 adam, 191 jer ústi tehnıkasy jáne 8 tikushaq jumyldyryldy. Órtti joıýda avıasıa erekshe ról atqardy: sóndirý bastalǵannan beri 319 ret sý tógilip, órt oshaǵyna 709 tonna sý jetkizildi.
Oqshaýlaýdan keıin mamandar oqıǵa ornynda jumysty jalǵastyrýda — aýmaqty baqylaý jáne órt saldaryn tolyq joıý úshin qajetti sharalar júrgizilýde.