Sen altyǵa tolǵan ul

Sharyqtaı ber bolashaqqa, qanat qaq ta, samǵa bir,
Alańsyzsyń bala shaqta, ár kún quıar janǵa nur.
Ata-ájeniń, ákesiniń, anasynyń shattyǵy,
Seniń búgin týǵan kúniń - sen altyǵa tolǵan ul.

Birde qıqar, birde oıynpaz, al tańǵaltar bir isi,
Ár isińniń úlkenderdi qýantady durysy.
Seniń búgin týǵan kúniń - sen altyǵa tolǵan kún,
Aǵasy men ápkesiniń eń súıkimdi inisi.

Sen de búgin talǵamyńmen bárin birdeı moıyndat,
Barlyǵy da dúrligip júr saǵan syılyq daıyndap.
Qonaqtar da keler búgin tek ózińdi quttyqtap,
Dastarqanǵa táttiler de tek sen úshin qoıylmaq.

Sen aqyldy balasyń ǵoı, táttige tym qunyqpa,
Ata-ájeńdi, ata-anańdy, úlkenderdi ulyqta.
Sen altyǵa tolǵan kúniń, solaı-daǵy desek te,
Senen quıttaı qaryndasyń bar ekenin umytpa.

Sen altyǵa tolǵan kúniń, ata-anańa úmitsiń,
Qaryndasyń bar jerde endi, sen de úlken jigitsiń.
Biriń kelip, ata-anańa úzilmeıtin arqaýsyń,
Biriń kelip, áke-anańa jan qýantar tunyqsyń.

Birde qıqar, birde oıynpaz, birde dana balasyń,
Qaryndasyń bar jerde endi, sen de úlken aǵasyń.
Kishilerge qamqorlyqty sol arqyly sezinip,
Aǵa bolyp, ómirde áli talaı asý alasyń.

Kózderińde, kókiregińde bolmasyn esh nala-muń,
Sen de, mine, kıeli san jeti jasqa qaradyń.
Bilim joldyń ár belesin baǵyndyryp ózińe,
Tańǵaldyrsyn ózgelerdi taýdaı bolǵan talabyń.

Azat eldiń keleshegi bolmaý úshin munar kún,
Kúsh-qaıraty kerek elge erteń sendeı ulannyń.
Kók týyńdy kúzetetin sen erteńgi soldatsyń,
Armandaryń áli asqaqtar qanatynda qyrannyń.

Áýeletip osy kúnniń dýmandy da shat únin,
Búgin, mine, tilek aıtar saǵan barlyq jaqynyń.
Sol tilekpen salmaqtanyp óz úıiniń tórinde,
Mańǵazsynyp otyrady alty jasar batyryń.

Seniń búgin týǵan kúniń, alty deıtin sandasyń,
Kóńilińniń baqyt qusy ushsyn bıik - samǵasyn!
Bar shattyǵyń týǵan Otan - týǵan úıde toılanyp,
Aq tilektiń appaq bulty seni árdaıym qoldasyn!

Avtory:
Ǵabıden QOJAHMET,
Qyzylorda qalasy