Amerıkalyq senator Djon Kennedı 2028 jylǵy prezıdenttik saılaýǵa qatysýy múmkin ekenin málimdedi. Alaıda qazir ol senatqa qaıta saılanýdy kózdep otyr. Bul týraly ol NBC News telearnasynyń efırinde aıtty, dep habarlaıdy infohub.kz saıty.
Lýızıana shtatynan saılanǵan senator Djon Kennedı NBC News-ke bergen suhbatynda 2028 jyly AQSh prezıdenttigine umtylý múmkindigin qarastyryp jatqanyn rastady. Júrgizýshiniń prezıdenttik jarysqa qatysý týraly oılanyp júrsiz be degen suraǵyna saıasatker: «Iá», — dep jaýap berdi.
«Qazirgi josparym — qaıta saılaný. Biraq aıtyp qoıǵanymdaı, eger senatta budan ári tıimdi jumys isteı almaımyn dep eseptesem, ondaı múmkindikti qarastyrar edim», — dedi Kennedı.
Ol túpkilikti sheshim áli qabyldanbaǵanyn atap ótti. 2028 jyly senator qaıta saılanýǵa tıis.
Kennedı sondaı-aq respýblıkashyldar atynan basqa úmitkerlerdi odan laıyqsyz dep sanasa, prezıdenttik jarysqa qatysýy múmkin ekenin joqqa shyǵarmady.
2028 jyly respýblıkashyldardyń yqtımal úmitkeri sanalatyn vıse-prezıdent Djeı Dı Venspen yqtımal básekelestik týraly suraqqa Kennedı jaýap bermedi.
«Men basqa yqtımal úmitker týraly aıtpaımyn. Oǵan ázirge daıyn emespin», — dedi senator.
Aıta keteıik, 2028 jylǵy saılaý — 2012 jyldan bergi Donald Tramp Respýblıkalyq partıa atynan úmitker bolmaıtyn alǵashqy saılaý.