Jekemenshik Sensata Astana Ltd. kompanıasyna tıesili Sensata Holding qurylys holdıńi 2026 jyldyń qańtar–maýsym aılarynyń qorytyndysy boıynsha 2,3 mlrd teńge taza paıda tapty. Salystyrsaq, byltyr osy kezeńde bul kórsetkish 1,4 mlrd teńge bolǵan, ıaǵnı bir jylda 1,6 ese ósken. Bul týraly kompanıanyń qarjylyq eseptiliginde jazylǵan, dep habarlaıdy infohub.kz saıty.
Alaıda Sensata Holding-tiń 2026 jyldyń birinshi jartyjyldyǵyndaǵy túsimi 69,8 mln teńge bolyp, byltyrǵy 268,4 mln teńgemen salystyrǵanda 3,8 ese azaıdy. Kompanıanyń qarjylyq kiristeri 1,1 myń ese qysqardy — 2 mlrd teńgeden 1,8 mln teńgege deıin. Sonymen qatar ózge kirister kúrt ósip, 5,7 mln teńgeden 4 mlrd teńgege jetti, ıaǵnı 707,7 ese kóbeıdi.
Sensata Holding-tiń jalǵyz ıesi — «Astana» halyqaralyq qarjy ortalyǵynda tirkelgen jekemenshik Sensata Astana Ltd. kompanıasy. Eki qurylymdy da Maksım Mıhaılov basqarady.
Óz kezeginde Sensata Astana Ltd. kompanıasyna da Maksım Mıhaılov basqaratyn Sensata Ltd. tıesili. Jekemenshik Sensata Ltd. kompanıasynyń teń ıeleri — 2010-jyldary BI Group basqarma tóraǵasynyń damý jónindegi orynbasary qyzmetin atqarǵan kásipker Tasbolat Abdýllın men Asqar Dúısenbaev.
Birneshe kún buryn olarǵa tıesili taǵy bir qurylys kompanıasy — Sensata Construction — 2025 jyly 1,1 mlrd teńge shyǵynǵa ushyraǵanyn habarlaǵan bolatyn. Bul kompanıanyń jyldyq qarjylyq eseptiliginde kórsetilgen. Salystyrsaq, 2024 jyly ol 4,3 mlrd teńge paıda tapqan.