Qaraǵandy oblysynda sot gaz balonymen turǵyn úıdi jaryp jiberemin dep qorqytqan er adamǵa úkim shyǵardy. Oqıǵa 2 qyrkúıekte boldy: maskúnem Shahtınsk turǵyny kórshilerin qorqytty, al polısıa kelgende esikti ashýdan bas tartyp, bylapyt sóıleı bastaǵan, dep habarlaıdy infohub.kz saıty.
Jarylys qaýpine baılanysty oqıǵa ornyna tótenshe jaǵdaılar qyzmetiniń qyzmetkerleri shaqyrtyldy, olar qajet bolǵan jaǵdaıda úı turǵyndaryn evakýasıalaýǵa daıyn boldy. Alaıda biraz ýaqyttan keıin er adam esikti ózi ashty, biraq ustaý kezinde polısıa talaptaryna baǵynbady.
Oqıǵa saldarynan turǵyndardyń eshqaısysy zardap shekken joq. Sotta er adamnyń kinási ákimshilik quqyqbuzýshylyq týraly hattamamen, kýágerlerdiń aıǵaqtarymen jáne istiń ózge de materıaldarymen rastaldy. Sot onyń ókinýin jeńildetetin mán-jaı dep tanydy.
«ÁQBtK-niń 434-babynyń 2-bóligi boıynsha oǵan usaq buzaqylyq úshin 15 táýlik qamaý, al ÁQBtK-niń 667-babynyń 1-bóligi boıynsha polısıa qyzmetkerleriniń zańdy talaptaryna baǵynbaǵany úshin taǵy bir táýlik taǵaıyndaldy. Túpkilikti jaza 16 táýlik ákimshilik qamaý boldy», — dep habarlady Shahtınsk qalalyq sotynyń baspasóz qyzmeti.
Sonymen qatar, er adamǵa qatysty úsh aı merzimge minez-qulyqqa erekshe talaptar belgilendi: oǵan аlkogól, esirtki jáne psıhotroptyq zattardy tutynýǵa tyıym salyndy, sondaı-aq ol aıyna úsh ret Shahtınsk polısıa bólimine profılaktıkalyq áńgimelesýge kelýge mindetti.
Sot qaýlysy áli zańdy kúshine engen joq. Buǵan deıin «Kýrsıv» qaraǵandylyqtyń gaz qubyryn julyp alyp, kópqabatty úıdi jaryp jiberemin dep qorqytqany týraly uqsas oqıǵany habarlaǵan bolatyn.