Kolýmbıalyq ánshi Shakıra joıqyn jer silkinisinen zardap shekken Choko provınsıasyna kútpegen jerden baryp, ondaǵy on mektepti qalpyna keltiretinin málimdedi, dep habarlaıdy infohub.kz saıty.
Ánshi Kıbdo qalasyna baryp, qıraǵan oqý oryndaryn aralap, oqýshylarmen sóılesip, balalardyń bilim alý múmkindiginen aıyrylyp jatqanyna alańdaýshylyq bildirdi.
Eske salaıyq, magnıtýdasy 7,4 bolatyn jer silkinisi 10 tamyzda Kolýmbıanyń batysynda boldy. Apat saldarynan keminde 287 adam qaza tapty. Dúmpý epısentri Choko provınsıasyna kelgen edi, onda 40-qa jýyq mektep tolyǵymen qırap, úsh myńnan astam turǵyn úı joıyldy.
Gýmanıtarlyq bastamany ánshiniń Fundación Pies Descalzos qaıyrymdylyq qory amerıkandyq fılantrop Govard Baffetpen birlesip júzege asyrýda. Ol áriptes qordy basqarady. Uıymdar aımaqtaǵy on oqý ornyn tolyq qalpyna keltirýge mindettendi.
Shakıra óz uıymynyń Choko bilim berý salasyna 22 jyl boıy kómektesip kele jatqanyn atap ótip, balalardyń qalypty oqýǵa tezirek oralatynyna úmit bildirdi.