Álemge áıgili ánshi Shakıra Qyrǵyzstanda solnyı konsert berýi múmkin, tipti Qazaqstannan da buryn, dep habarlaıdy infohub.kz.
Qyrǵyzstan prezıdentiniń is basqarýshysy Qanybek Tumanbaev «Bishkek Arena» stadıonynda kolýmbıalyq sýperjuldyz óner kórsetýi múmkin ekenin málimdedi. Qazirgi ýaqytta Bishkekte konsert ótkizý týraly kelissózder júrip jatyr. Ánshiniń qarasha aıynda FIFA standarttaryna saı salynǵan, 51 myń kórermenge arnalǵan jańa arenada óner kórsetýi kútilýde.
Qyrǵyzstan prezıdentiniń is basqarýshysy taraptar ázirge sharttardy kelisip jatqanyn, naqty kún men basqa da málimetter áli anyqtalmaǵanyn aıtty.
Tumanbaevtyń ózi Instagram-da ıntrıgalyq jazba jarıalady: «Shakira. Ony Bishkek Arena-da kórgińiz kele me? Kútesiz be?» — dep jazdy ol.
Eske salaıyq, 2025 jyldyń qarashasynda Qazaqstanda Djennıfer Lopes pen Backstreet Boys konsertteriniń uıymdastyrýshylary Beıonse, Shakıra jáne Emınemniń respýblıkada óner kórsetý múmkindigi týraly aıtqan bolatyn. Osy jyldyń sáýirinde Almaty ákimdigi álemdik juldyzdar — reper Emınem men ánshi Shakıra — qazaqstandyqtar úshin bıyl óner kórsetýi múmkin degen aqparatqa túsinikteme berdi.
«Bul aqparat tanystyrý sıpatynda ekenin jáne is-sharalardyń ótetinin rastamaıtynyn atap ótemiz. Qazirgi ýaqytta másele pysyqtalý satysynda. Resmı kelisimderge qol jetkizilgen joq, kúnder men alańdar bekitilgen joq», — dep naqtylady ákimdikte.