Báleni seze me adam turǵan baǵyp.
Ormanmen keshkiturym kele jatty,
Baratyn elge týra bir jol taýyp.
Tap berdi qarsy aldynan aıý shyǵyp,
Bolmady aıla eterge o ǵyp, buǵyp.
Ústine Shaldyń aıý qonyp qaldy,
Sorlyny á degenshe jerge jyǵyp.
Jumarlap, basyp-janshyp aıý shaldy,
Jemekke endi bastap yńǵaılandy.
«Baýyrym, Pálenshejan, aıyrshy-aı», - dep,
Malaıǵa Shal jalynyp, qolqa saldy.
Malaıy temir aıyr, baltany alyp,
Aıýdy jyqty, basyn, ishin jaryp.
Qan-qan bop ústi-basy, óleıin dep,
Qorqyrap aıý jatty yńyranyp.
Shal turyp endi ornynan esen-aman,
Jaqyndap jumyskerge keldi taman:
«Áýmeser, aqylyń joq, ıt-dońyz!» - dep,
Baıǵusty balaǵattap, sókti jaman.
«Ursasyń nege, Shalym, maǵan, - dedi, -
Sókkendeı ne istedim saǵan? - dedi. -
Jazǵanym, meniń seni aıý - jaýdan
Aıyryp alǵanym ba aman?!» - dedi.
Shal aıtty: «Kórmeımisiń ne etkenińdi,
Jeligip jyndanýǵa jetkenindi,
Bardaı-aq ákeń quny, sonsha shanshyp,
Terisin iske alǵysyz etkenińdi?!»
* * *
Sóz jazdym úgit úshin bozbalaǵa,
Osyndaı elde ýaqıǵa az ǵana ma?
Qaıyryń nadanǵa etken - shashqan múlkiń,
Bolady rásýa qur dalaǵa.
Qudaıym, joldas qylma jamandarǵa,
Kózi tar, kóńili soqyr nadandarǵa!
Jaqsylyq etseń de bir, etpeseń de,
Jaqpaısyń keı aqymaq adamdarǵa.