Álemniń túkpir-túkpirinen ekstremaldy sezimdi unatatyndar Shanhaıdan túsirilgen beınelerdi áleýmettik jelilerde bólisip jatyr. Munda saýda ortalyǵyndaǵy shopıngti ekstremaldy tómen túsýmen ushtastyrýǵa bolady. Printemps Mall saýda ortalyǵynyń basty kórikti jeri – ǵımarattyń joǵarǵy qabattarynan birinshi qabatqa birneshe sekýndta jetýge múmkindik beretin alyp tóbeshik, dep habarlaıdy infohub.kz saıty.
Atraksıonnyń qurylymy ıreleńdegen altyn aıdahar túrinde jasalǵan. Onyń ilmekteri men tik qısyqtary tek kóz tartarlyq qana emes, qaýipsizdik úshin de oılastyrylǵan: olar tómen túsý kezinde jyldamdyqty tıimdi basýǵa kómektesedi. Qubyrdyń jalpy uzyndyǵy 54 metrdi quraıdy, al túsý saýda ortalyǵynyń besinshi qabatynan bastalady.
Týrıserdiń kútkenine qaıshy, atraksıon múldem tegin, bul ony kelýshiler arasynda odan ári tanymal etedi.
Jelide blogerler men satyp alýshylar sapardy ázildep «kvestke» teńep, qabattar arasyndaǵy jyldam saıahattan alǵan áserlerimen bólisetin beıneler tarady. Kelýshiler apta kúnderi kelse, uzyn kezeksiz jelmen ushýǵa bolatynyn atap ótti.
«Ózimdi úsh balamen jáne sómkelermen osy tóbeshikte elestettim. Taǵy bir kvest», — dep jazady qoldanýshylar pikirlerde.
«Qandaı keremet!»
«Ádemi ǵoı!» — dep qosylady basqalary talqylaýǵa.
Buǵan deıin Kursiv LifeStyle Azıanyń erekshe oryndarynan túsirilgen beıneler áleýmettik jelilerde tanymal bolyp jatqanyn jazǵan. Qytaı men Taılandtaǵy meıramhanalar naǵyz shoý-alańdarǵa aınalyp, munda mázirdiń basty tarmaǵy taǵam emes, erlerdiń nazary.