Qostanaı oblysynda shetel azamatshasyna úılengen jergilikti turǵyn jer ýchaskesin ala almady. Bul týraly infohub.kz saıty habarlaıdy.
Uzynkól aýdanynyń prokýratýrasy jer zańnamasynyń saqtalýyn taldap, aýyl sharýashylyǵy maqsatyndaǵy jerlerdi berý konkýrsy barysynda óreskel buzýshylyqtardy anyqtady.
Anyqtalǵandaı, Uzynkól aýdany ákimdiginiń jer komısıasy konkýrs qorytyndysyn shyǵarý kezinde keıbir qatysýshylarǵa aýdanda bes jyldan astam turǵany úshin negizsiz qosymsha bal qosqan. Sonymen qatar, komısıa konkýrstyń bir loty boıynsha shetel azamatshasyna úılengen Qazaqstan azamaty qatysqanyn eskermegen.
Qazaqstan Respýblıkasy Jer kodeksiniń 24-babyna sáıkes, sheteldikke nemese azamattyǵy joq adamǵa turmysqa shyqqan QR azamattaryna aýyl sharýashylyǵy maqsatyndaǵy jer ýchaskeleri jeke menshikke nemese jer paıdalaný quqyǵymen berilmeıdi.
Prokýrorlyq qadaǵalaý aktisi boıynsha buzýshylyqtar joıyldy. Jer komısıasy otyrysynyń hattamasy kúshin joıdy, al jalpy aýdany 1129 gektar jeti jer ýchaskesi sharýa (fermer) qojalyǵyn júrgizý úshin azamattarǵa berý maqsatynda qaıta konkýrsqa shyǵarylady.