Қытайдың Шэньчжэнь қаласының тұрғыны үйдегі теледидарды қайта жабдықтап, көрсетілім әр он минут сайын үзіліп, баладан мектеп бағдарламасы бойынша сұрақтарға дұрыс жауап беруді талап ететін етіп қойды, деп хабарлайды infohub.kz сайты.
South China Morning Post басылымының жазуынша, ер адам такси жүргізушісі болып жұмыс істейді және ұлының сабаққа дайындалудың орнына сағаттап экран алдында отыратын әдетімен ұзақ күрескен. Әуелі әкесі ақылды розетканы таймер бойынша құрылғыны өшіретін етіп баптаған, алайда бала тез амал тауып, оны жай ғана розеткадан суырып алатын болған.
Сонда ер адам жасанды интеллект қосымшасынан кеңес сұраған. Бағдарлама сұрақтары бар арнайы цифрлық кілт жасауды ұсынып, қажетті кодты жазуға көмектескен.
Әзірленген жүйені әкесі жетілдіріп, теледидарға тікелей орнатқан. Әр он минут сайын хабар тарату тоқтап, экранда қытай тілі, математика немесе ағылшын тілі бойынша тапсырма пайда болады. Барлық сұрақ жасөспірімнің ағымдағы мектеп бағдарламасына байланыстырылған. Оқушы қателессе, жүйе қосымша тапсырма береді, ал көрсетілім тек дұрыс шешімнен кейін ғана жалғасады.
Жаңалық баланы күтпеген жерден қызықтырып, әкесі тапсырмалардың қиындығын біртіндеп арттыруды жоспарлап отыр. Ер адам ұлына демалысты толық тыйым салуды мақсат етпегенін, шектеулерді өзіндік ойынға айналдырғанын атап өтті.
Қытайлықтың тәжірибесі басқа ата-аналардың назарын аударып, олар қазір одан техниканы баптау жөнінде егжей-тегжейлі нұсқаулық шығаруды сұрап жатыр.