Qandy oqıǵa boıynsha aıyptalǵan toǵyz kúdiktiniń biri – mektep oqýshysy Dýman Ysqaqqa marqum Sherzat Polattyń týystary keshirim berdi. Marqumnyń ákesi onyń bul iske múlde qatysy joq ekenin, tipti oqıǵa bolǵan sátte oǵan “qash” dep aıtqanyn jetkizdi.
– Qalǵandary jazaǵa laıyq. Olar ulyma esh aıaýshylyq tanytpady, – dedi Sherzattyń ákesi.
Onyń aıtýynsha, oqıǵa aldynda toptaǵy jigitterdiń biri “hýtorskımin, Hýtordyń jigitterimiz” dep tanystyrǵan. Qarjaýbaı Nurymov bul sózden qatty seskengenin jasyrmaıdy.