Mańǵystaý oblysynda shetel azamaty keden shekarasy arqyly 95 lıtr dızel otynyn zańsyz ótkizbek bolǵany úshin ákimshilik jaýapkershilikke tartyldy, dep habarlaıdy infohub.kz saıty.
Mańǵystaý oblysy sottarynyń resmı Telegram-arnasynda habarlanǵandaı, Beıneý aýdandyq sotynda shetel azamatyna qatysty Qazaqstan Respýblıkasy Ákimshilik quqyq buzýshylyq týraly kodeksiniń 545-baby (Eýrazıalyq ekonomıkalyq odaqtyń keden shekarasy arqyly taýarlar men kólik quraldaryn ótkizý kezinde tyıymdar men shekteýlerdi qoldaný tártibin saqtamaý) boıynsha ákimshilik is qaraldy.
Sot anyqtaǵandaı, 2026 jylǵy 9 shildede «Tajen» keden beketinde shekaralyq baqylaý kezinde Qazaqstannan Ózbekstanǵa bet alǵan er adam kólik quralynyń zaýyttyq konstrýksıasynda qarastyrylmaǵan qosymsha otyn bagyn paıdalanyp, 95 lıtr dızel otynyn zańsyz ótkizýge tyrysqan.
Sot otyrysy barysynda quqyq buzýshynyń kinási onyń jeke túsiniktemelerimen, ákimshilik quqyq buzýshylyq týraly hattamamen jáne is materıaldarymen tolyq rastaldy.
QR ÁQBtK-niń 545-babynyń sanksıasy ákimshilik quqyq buzýshylyqtyń tikeleı obektisi bolyp tabylatyn taýardy tárkileı otyryp, 15 aılyq eseptik kórsetkish mólsherinde aıyppul salýdy kózdeıdi.
Sot qaýlysymen shetel azamaty ákimshilik quqyq buzýshylyq jasaǵany úshin kináli dep tanylyp, oǵan 64 875 teńge mólsherinde aıyppul túrindegi jaza taǵaıyndaldy.
Sot qaýlysy zańdy kúshine engen.