Shyǵys Qazaqstan oblysynda polıseıler áleýmettik jelilerge túsirilgen qaýipti trúk úshin júrgizýshi men jolaýshyny jaýapqa tartty, dep habarlaıdy infohub.kz saıty.
Jelide jarıalanǵan kadrlarda Chevrolet Cobalt qozǵalys kezinde jolaýshy qaýipsizdik erejelerin elemeı, salonnan syrtqa shyǵyp ketkeni kórinedi. Mundaı áreket onyń ózine ǵana emes, jol qozǵalysynyń basqa qatysýshylaryna da qaýip tóndirdi.
Beınerolıkti kórgennen keıin polıseıler oqıǵaǵa qatysýshylardy tez anyqtady. «Kоbált» tizgininde 27 jastaǵy júrgizýshi bolǵan. Ol jol qozǵalysy qaýipsizdigi talaptaryn buzǵany úshin ákimshilik jaýapkershilikke tartyldy. Jolaýshy da jazalandy — qaýipsizdik beldigin taqpaı júrgeni úshin.
Polısıa effektili vıdeo túsirýge umtylý oılanbaǵan áreketterge sebep bolmaýy kerek ekenin eske saldy. Joldaǵy bir ǵana buzýshylyq aýyr zardaptarǵa ákelýi múmkin.
Beldik taqpaǵan jolaýshyny tasymaldaǵany úshin júrgizýshige 5 AEK (2026 jyly 21 625 teńge) mólsherinde aıyppul salynady. Jolaýshynyń ózi de, eger ol beldik taqpaǵan bolsa, jaýapkershilikke tartylýy múmkin.
Buǵan deıin Kýrsıv Avto 18 jastaǵy qazaqstandyqtyń Audi lúginen salút atyp, jazalanǵanyn habarlaǵan bolatyn.