Shyǵarma: Otbasy baqyty

Otbasy kishkentaı bir memlekettik uıa” dep beker aıtylmaǵan. Ádette jaqsylyqtyń bári otbasynan bastalady. Otbasy - jurtty jaqyndastyrýshy, urpaq pen urpaqty tabystyrýshy, urpaqaralyq tutastyqtyń otyn jaǵýshy erekshe uıa. Sondyqtan da otbasy - barsha adamzatqa eń jaqyn, eń qasıetti uǵym. Árbir otbasynda súıispenshilik pen túsinistik myqty bolsa, qoǵamnyń dińgegi de berik bolady. Adam eń alǵash shyr etip dúnıege kelgen sátinen bastap otbasynyń tárbıesin alady.

Ata – anam – ómirdegi eń qymbat adamdarym. Olar meni jaqsylyqqa ádeptilikke, adamgershilikke tárbıeleıdi. Sabaqta da, úıde de uqypty, tártipti, sanaly bala bolsa eken dep tileıdi. Ásirese,”Túp qazyǵyń - Otanyń, ar - namysyń - tiliń, káýsar bulaǵyń - ustazyń, qamqorshyń - ákeń, aqylshyń – anań” degen sózderi qóńilimde jattalyp qalypty. Ata - anamnyń tilegin oryndaýǵa bar kúshimdi salamyn. Otbasy – adamnyń óte mańyzdy, óte jaýapty jan uıasy, sebebi otbasy adamǵa baqyt, tolyq mándi tynys - tirshilik ákeledi. Otbasy – adam balasynyń altyn dińgegi. Óıtkeni adam eń alǵash shyr etip dúnıege kelgen sátinen bastap, osynda er jetip, otbasynyń tárbıesin alady. Sondyqtan da otbasy – adamzattyń asa qajetti, ári qasıetti altyn mektebi. Otbasynyń adamzat urpaǵyna degen yqpaly men áser kúshin ómirdegi basqa esh nárseniń kúshimen salystyrýǵa bolmaıtyndaı. Óıtkeni ata - ananyń balaǵa degen tárbıesiniń ornyn esh nárse toltyra alar emes.