Shyǵys Qazaqstan oblysynda 2027 jylǵy sý tasqyny maýsymyna daıyndyq jalǵasýda. Sý basý qaýpin azaıtý úshin 2026 jylǵa arnalǵan ınjenerlik jumystar jospary bekitildi. Onda óńirdiń 11 aýdanynda 14 is-shara qarastyrylǵan. Jobalardy qarjylandyrý oblystyq jáne jergilikti búdjetter esebinen júzege asyrylady, dep habarlaıdy infohub.kz saıty.
Bıyl ınjenerlik jumystar Rıdder qalasynda, Altaı, Samar, Úlken Naryn aýdandarynda, sondaı-aq Glýbokoe, Zaısan, Katonqaraǵaı, Marqakól, Shemonaıha, Ulan jáne Kúrshim aýdandarynda júrgiziledi. İs-sharalar jaǵa bekitýdi, túbin tereńdetýdi, ózen arnalaryn ózgertýdi jáne eldi mekenderdi sý tasqynynan qorǵaýdy kúsheıtýge baǵyttalǵan basqa da ınjenerlik sheshimderdi qamtıdy.
"Josparlanǵan is-sharalar jaǵa bekitý, túbin tereńdetý, ózen arnalaryn ózgertý jáne eldi mekenderdi sý tasqynynan qorǵaýdy kúsheıtýge arnalǵan ózge de ınjenerlik sheshimderdi qamtıdy. Jumystyń negizgi kólemi jaz-kúz kezeńinde oryndalady, al keıbir is-sharalar sýdyń tómen deńgeıi kezinde ótkiziledi. Bul olardyń barynsha tıimdi bolýyn qamtamasyz etedi", — dep túsindirdi SHQO TJD-da.
Eń belsendi jumystar Katonqaraǵaı aýdanynyń Shyńǵystaı aýylynda júrgizilýde. Onda Buqtyrma ózeniniń jaǵasyn bekitý, túbin tereńdetý jáne arnasyn burý jobasy jalǵasýda. Qazir joba 70 paıyzǵa oryndalǵan.
Josparlanǵan ınjenerlik is-sharalardyń iske asyrylýy Shyǵys Qazaqstan oblysynyń eldi mekenderin qorǵaý deńgeıin arttyryp, 2027 jyly sý tasqyny qaýpiniń týyndaý yqtımaldyǵyn tómendetýge múmkindik beredi.