Shyǵys Qazaqstan oblysynda «Ak Metal» JSHS basshysy Danıar Bektemırov bir jylǵa bas bostandyǵynan aıyryldy, dep habarlaıdy infohub.kz.
Tergeý barysynda anyqtalǵandaı, seriktestiktiń lısenzıasy tek qatty paıdaly qazbalardy barlaýǵa ǵana ruqsat bergen. Alaıda zerthanalyq jáne tehnologıalyq zertteýler degen jeleýmen is júzinde temir rýdasy men temir rýdasy konsentratyn ónerkásiptik túrde óndirip, ony el ishinde de, shetelge de satqan.
Zańsyz jumystardyń saldarynan topyraq jamylǵysy buzylyp, tabıǵı relef pen landshaft ózgergen, taý-ken qazbalary men úıindiler paıda bolyp, aýmaqqa aıtarlyqtaı tehnogendik áser etken.
Barlyǵy 70 myń tonnadan astam ónim zańsyz óndirilip, satylǵan, al alynǵan qylmystyq tabys 1 mıllıard teńgeden asqan.
Osy aqshaǵa kásiporyn basshysy qymbat aktıvter satyp alǵan: Land Rover avtokóligi, bes bólmeli páter, úsh komersıalyq úı-jaı, eki turaq orny jáne Almaty men Almaty oblysyndaǵy eki jer telimi.
Sot atalǵan múlikti, quny 1 mıllıard teńgeden astam, memleket kirisine tárkiledi. Úkim zańdy kúshine engen joq.