Шығыс Қазақстан облысында полиция қызметкерлері Өскемен қаласынан шыққан ерлі-зайыптыларды ұстады. Тергеу нұсқасы бойынша, олар TikTok желісінен «жұмыс» тауып, есірткі таратумен айналысқан, деп хабарлайды infohub.kz сайты.
Облыстық полиция департаментінің баспасөз қызметі мәлімдегендей, жұбайлар есірткі заттарын таратты деп күдікке ілінген.
Тергеу анықтағандай, әйел TikTok желісінен заңсыз табыс табу туралы ұсыныс тауып, психотроптық заттарды жасырын жерлерге қалдыру арқылы тарата бастаған.
Кезекті ретке шығарда ол жұбайын да тартқан. Алдын ала деректерге сәйкес, әйел алты жасырын орын дайындап үлгеріп, кейін күйеуіне тыйым салынған зат салынған бірнеше буманы берген. Көп ұзамай екеуін де полиция қызметкерлері ұстады.
Жеке тінту кезінде әйелден 19 бума, ал оның жұбайынан тағы жеті бума табылды. Сараптама қорытындысына сәйкес, олардың ішінде альфа-PVP синтетикалық есірткі заты болған. Тәркіленген заттың жалпы салмағы шамамен 33 граммды құрап, бұл ерекше ірі мөлшерге сәйкес келеді.
Осы факті бойынша қылмыстық іс қозғалды. Ер адам уақытша ұстау изоляторына қамалды, ал әйелге қатысты үйқамақ түріндегі бұлтартпау шарасы таңдалды.