Shyǵys Qazaqstan oblysynyń Kúrshim aýylynda otbasylyq drama oryn alyp, saldarynan eki adam qaza tapty. Jeke turǵyn úıden 31 jastaǵy áıel men onyń azamattyq kúıeýiniń deneleri tabyldy. Osy fakti boıynsha qylmystyq ister qozǵaldy, dep habarlaıdy infohub.kz saıty.
SHQO Polısıa departamentiniń baspasóz qyzmetiniń málimetinshe, 23 tamyzda áıel alǵan dene jaraqattarynan qaıtys bolǵan. Aldyn ala anyqtalǵandaı, jaraqattardy mas kúıinde bolǵan onyń birge turatyn er adam keltirgen. Osydan keıin er adam óz-ózine qol jumsaǵan.
Osy fakti boıynsha Kúrshim aýdanynyń polısıa bólimi qylmystyq ister qozǵady. Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan qajetti tergeý áreketteri júrgizilýde. Vedomstvo Qazaqstan Respýblıkasy Qylmystyq is júrgizý kodeksiniń 201-babynyń talaptaryna sáıkes ózge aqparat jarıa etilmeıtinin qosty.