Shyǵys Qazaqstan oblysynda qatty ystyqqa baılanysty aýyr júk kólikteriniń qozǵalysyna shekteý engizildi, dep habarlaıdy infohub.kz saıty.
Kúndizgi ýaqytta aýyr júk kólikteri arnaıy turaq-kempıngterge baǵyttalady, sebebi saǵat 21:00-ge deıin trassalar jabyq.
Sebebi — shyǵysta aýa temperatýrasy +40 °C-qa jetken. Asfált qatty qyzǵan, sondyqtan aýyr kólikter ony búldirýi múmkin.
«Bul sharalar dál osyndaı ystyq jazda ózekti, sebebi bul shekteýler avtomobıl joldarynyń tósemin saqtaýǵa baǵyttalǵan. Bizdiń júrgizýshiler belgilengen talaptardy saqtaýǵa tyrysady, zańdardy biletindikterin kórsetedi», — dedi SHQO kóliktik baqylaý ınspeksıasy bólimi basshysynyń mindetin atqarýshy Marat Esmýratov.
Basqa óńirlerde de osyǵan uqsas sharalar qabyldanǵan. Buǵan deıin qatty ystyq Jambyl, Pavlodar jáne Túrkistan oblystaryndaǵy trassalarda asfálttyń deformasıasyna ákelgen.