Shrı-Lankanyń Joǵarǵy soty 2019 jyly Pasqa kúni bolǵan lańkestik shabýyldardy uıymdastyrdy dep aıyptalǵan 15 erkekti kináli dep tanydy. Sol qandy oqıǵada 270 adam qaza taýyp, 500-den astamy jaraqat alǵan edi, dep habarlaıdy infohub.kz saıty.
Prokýrorlardyń tujyrymynsha, ózin-ózi jaryp jibergen lańkesterdiń bas uıymdastyrýshysy sanalǵan Naýfer Máýlaýı da kináliler qatarynda. Qalǵan toǵyz aıyptalýshy aqtaldy.
Úsh shirkeý men úsh sándi qonaqúıde bir mezgilde jasalǵan jarylystar 2009 jyly azamattyq soǵys aıaqtalǵannan bergi Shrı-Lankadaǵy eń qandy shabýyl bolyp qaldy. Qaza tapqandardyń arasynda 45 sheteldik azamat bar.
Shabýyldy júzege asyrǵan lańkesterdiń barlyǵy jarylystar kezinde qaza tapty. Tergeýshiler buǵan deıin shabýyldy ıslamshyl ekstremıster jasady dep aıyptaǵan, al aıyptaý qaǵazy usynylǵan 25 adam Shrı-Lankadaǵy musylman azshylyǵynyń ókilderi edi. Olardyń bireýi qamaýda qaıtys boldy.
Aıyptalýshylarǵa 23 000-nan astam qylmys, sonyń ishinde kisi óltirý, lańkestik jasaýǵa sóz baılasý jáne atys qarýyn zańsyz ıelený boıynsha aıyp taǵylǵan.