Qazaqstandyq balýan Shuǵyla Ómirbek Azıa oıyndary-2026-nyń qola medalin jeńip ala almady: 53 kelige deıingi salmaq dárejesindegi úshinshi oryn úshin beldesýde ol Qytaı ókili Chjan Szınge jol berdi, dep habarlaıdy infohub.kz saıty.
Birinshi kezeńnen keıin qazaqstandyq balýannyń qarsylasy 4:2 esebimen alda turdy. Ekinshi úsh mınýttyq bólikte Chjan taǵy tórt upaı jınap, kezdesýdi tushada jeńispen aıaqtady.
Ómirbek týrnırdi úndistandyq Antımnen 0:9 esebimen jeńilispen bastady. Antım fınalǵa shyqqan soń, qazaqstandyq balýan jubatý raýndy arqyly medal úshin kúresti jalǵastyrý múmkindigine ıe boldy. Onda Ómirbek 2:2 esebinde ózbekstandyq Sakıbjamal Esbosynovany sońǵy nátıjeli áreketiniń arqasynda utyp, qola beldesýge shyqty.
Osylaısha, Ómirbek Azıa oıyndary-2026-ny besinshi orynmen aıaqtady. Buǵan deıin ol 2026 jylǵy U23 álem chempıony jáne 2026 jylǵy Azıa chempıony atanǵan bolatyn.
Aldyńǵy kúni áıelder kúresinde Elmıra Syzdyqova kúmis, Zeınep Baıanova qola júlde jeńip aldy.
Erkin kúresten ulttyq qurama úsh qola medalǵa qol jetkizdi. Olardy Nachyn Kýýlar, Edige Qasymbek jáne Nurqoja Qaıpanov ıelendi. Azamat Dáýletbekov úshinshi oryn úshin beldesýde jeńilis tapty.
Grek-rım kúresinen Qazaqstan quramasy Azıa oıyndarynyń bir medalin jeńip aldy. Qolany Meıirjan Shermahanbet ıelendi. Shamıl Ojaev pen Islam Evloev qurmet tuǵyrynan bir qadam qalǵanda toqtady.
Japonıadaǵy XX jazǵy Azıa oıyndary 19 qyrkúıekte resmı túrde ashyldy. 45 eldiń sportshylary qatysatyn jarysta 460 medal jıyntyǵy sarapqa salynýda. Azıa oıyndary-2026-da Qazaqstan quramasynyń quramynda 35 sport túrinen 558 sportshy synǵa túsýde.
Azıa oıyndary-2026 sholýlary: 1-kún, 2-kún, 3-kún, 4-kún, 5-kún, 6-kún, 7-kún, 8-kún, 9-kún, 10-kún, 11-kún, 12-kún, 13-kún.