Japonıanyń Aıtı-Nagoıa aımaǵynda ótip jatqan 2026 jylǵy HH jazǵy Azıa oıyndarynda qazaqstandyq jeńil atlet Marıa Shývalova 400 metrge júgirý fınalynda altynshy oryn aldy, dep habarlaıdy infohub.kz saıty.
Sportshy qashyqtyqty 53,59 sekýndta júgirip ótti, alaıda júldegerler qataryna qosyla almady.
Jeńisti Azıa oıyndarynyń jańa rekordymen Bahreın ókili Salva Naser jeńip aldy — 49,20 sekýnd. Kúmisti ırandyq Zahra Zareı Manýdjan (52,38), qolany úndistandyq Prachı (53,21) ıelendi.
Taǵy bir qazaqstandyq jeńil atlet Ivan Ivanov ıadro laqtyrý fınalynda synǵa tústi. Eń sátti áreketinde ol 18,46 metr kórsetip, toǵyzynshy orynǵa turaqtady.
Bul saıysta chempıon atanǵan ırandyq Mohammadreza Taıebı Azıa oıyndarynyń jańa rekordyn ornatty — 20,81 metr. Kúmisti úndistandyq Tadjınderpal Sıngh Týr (20,64) aldy, al úzdik úshtikti Saýd Arabıasynan kelgen Mohammed Tolý (20,48) túıindedi.
Senbi kúni 110 metrge kedergilerden júgirýden irikteý de ótti. 2024 jylǵy Olımpıadaǵa qatysqan Davıd Efremov qashyqtyqty 14 sekýndta júgirip, 14-oryn aldy jáne fınalǵa óte almady.