Shvesıada qylyshpen qarýlanǵan er adam mektepke shabýyl jasap, eki jasóspirim zardap shekti, dep habarlaıdy infohub.kz saıty.
Oqıǵa Fagersta qalasyndaǵy Brınellskolan mektebinde jergilikti ýaqyt boıynsha 14:00-den keıin (Astana ýaqytymen 17:00) boldy. Belgisiz adam oqý ornyna basyp kirip, eki jasóspirimdi jaraqattady, olar aýyr jaraqat aldy.
Polısıa shabýyldaýshyny ustady, ol da zardap shekti. Jergilikti BAQ derekterine sáıkes, ony polıseıler aıaǵynan jaralaǵan. Aýdandaǵy segiz mektep ýaqytsha jabylyp, óńirde joǵary daıyndyq rejımi jarıalandy. Alaıda keıin polısıa qazirgi ýaqytta turǵyndarǵa qaýip joq ekenin habarlady.
Shvesıa premer-mınıstri Ýlf Krıstersson shabýyldy aýyr oqıǵa dep atap, bul árekettiń sebebin bilmeıtinin, biraq polısıa qarqyndy jumys istep jatqanyn málimdedi.
Brınellskolan oqýshylary jazǵy demalystan keıin sabaqqa jańa ǵana oralǵany atap ótiledi.