Shveısarıanyń Vale kantonynda 34 jyl boıy habarsyz ketken eki belgıalyq álpınısiń máıiti tabyldy, dep habarlaıdy infohub.kz.
RIA Novostı kanton polısıasyna silteme jasap, er adamdardyń qaldyqtaryn týrıs baıqaǵanyn habarlaıdy. Olar Trıft muzdyǵynyń erýi saldarynan ashylyp qalǵan. Júrgizilgen DNK-taldaý máıitterdiń 1992 jyly Vaısmıs aýdanynda joǵalǵan álpınıserge tıesili ekenin anyqtaýǵa múmkindik berdi.
Qaıtys bolǵandar Belgıa azamattary bolǵany, olar joǵalǵan kezde 39 jáne 41 jasta bolǵany naqtylandy.
Kanton polısıasy 1925 jyldan beri tirkelgen ótinishterdi qamtıtyn habarsyz ketkenderdiń tizilimin júrgizedi. Negizinen bul bıik taýly aımaqtarda nemese sý aıdyndarynda joǵalǵan adamdar.
Polısıada muzdyqtardyń sheginýine baılanysty birneshe onjyldyq buryn taýda joǵalǵan adamdardyń súıekteri keıde tabylatynyn atap ótti.
Qosymsha aıta keteıik, bıylǵy jaz Shveısarıada ystyq deńgeıi boıynsha rekord jańartyp jatyr: shilde meteobaqylaý tarıhyndaǵy eń ystyq aı boldy. Osyǵan baılanysty ózender men kólderdegi sý deńgeıi aıtarlyqtaı tómendep, muzdyqtardyń erý jyldamdyǵy artty.