Shveısarıanyń ońtústik-shyǵysyndaǵy Alpi taýlarynda týrısik avtobýs aýdarylyp, birneshe adam qaza taýyp, taǵy birnesheýi jaraqat aldy. Bul týraly jergilikti polısıa habarlady, dep jazady infohub.kz saıty.
Apat Graýbúnden óńirindegi Sýsch pen Sernez eldi mekenderiniń arasynda beısenbi kúni tústen keıin bolǵan. Avtobýs aýdarylyp qalǵan.
Oqıǵa ornyna birneshe tikushaqpen jabdyqtalǵan qutqarýshylardyń úlken toby jiberildi.
Avtobýs ishinde 48 golandıalyq jolaýshy bolǵan. Bul aqparatty OAD týroperatorynyń atynan Golandıa saıahat kompanıalarynyń bas qaýymdastyǵynyń ókili rastady.
Ol De Telegraaf goland gazetine qaza tapqandar men jaraqat alǵandardyń naqty sanyn ázirge aıta almaıtynyn málimdedi.
Shveısarıalyq jańalyq saıttarynda jarıalanǵan sýretterde tar aýyldyq joldyń janynda qyrynan jatqan avtobýs, onyń aınalasynda kóptegen jedel járdem kólikteri jáne qutqarýshylar tobynyń jumysy kórinedi.
Habarlaýynsha, avtobýs dúısenbide Nıderlandydan shyǵyp, apat bolǵan kezde Avstrıadan Shveısarıaǵa bir kúndik saparmen kele jatqan.
Sernez — Shveısarıa ulttyq parkine kiretin basty qaqpa. Bul taýly Engadın ańǵaryn boılaı 100 sharshy shaqyrymnan (40 sharshy mıl) astam aýmaqty alyp jatqan Alpi qoryǵy.