Shveısarıa Qazaqstanmen turaqty tikeleı áýe qatynasyn ashý múmkindigin zerttep jatyr. Astanada ótken eki eldiń avıasıalyq bılikteriniń kelissózderiniń qorytyndysy boıynsha, bul úshin qajetti quqyqtyq baza qazirdiń ózinde qurylǵan, dep habarlaıdy infohub.kz saıty.
«Shveısarıa tarapy eki el arasyndaǵy tikeleı áýe qatynasyn damytýda perspektıvalar bar ekenin málimdedi jáne qazirgi ýaqytta Qazaqstanǵa turaqty reıster ashý múmkindigin qarastyryp jatyr. Qazaqstan men Shveısarıa arasyndaǵy tikeleı áýe qatynasyn damytý eki el arasyndaǵy týrısik, saýda-ekonomıkalyq jáne iskerlik baılanystardy nyǵaıtýǵa, sondaı-aq ózara jolaýshylar jáne iskerlik aǵyndardy ulǵaıtýǵa qosymsha múmkindikter týǵyzady», — delingen habarlamada.
Ushýlardy yqtımal bastaý úshin taraptar ózara túsinistik týraly memorandýmǵa qol qoıdy. Qujat taǵaıyndalǵan áýekompanıalarǵa aptasyna 28 jolaýshy reısin oryndaý quqyǵyn qarastyrady.
«Taraptar sondaı-aq áýe qatynasy týraly kelisim jobasynyń mátinin kelisip, oǵan paraf qoıdy, ol keıinnen qol qoıylyp, Qazaqstan men Shveısarıa arasyndaǵy áýe qatynasyn odan ári damytýdyń jańartylǵan quqyqtyq negizin qalyptastyrady», — dep qosty vedomstvo.
Buǵan deıin Qazaqstan men Saýd Arabıasy elder arasyndaǵy áýe reısteriniń sanyn kóbeıtý týraly keliskeni habarlanǵan bolatyn.