Shveısarıanyń soltústigindegi Aargaý kantonyndaǵy reıv kezinde bolǵan atystan bir adam qaza taýyp, taǵy bes adam jaralandy. Bul týraly jergilikti polısıa men BAQ habarlady. Oqıǵa jeksenbi kúni tańerteń erte bolǵan.
Kanton polısıasynyń X áleýmettik jelisindegi paraqshasynda jarıalanǵan málimetke sáıkes, kanton astanasy Aaraý qalasyndaǵy shara kezinde bir adam qaza taýyp, bes adam jaralanǵan. Olardyń birnesheýiniń jaǵdaıy aýyr. Aaraý Súrıhten 46 shaqyrym batysta ornalasqan.
Polısıa ókili Paskal Venseldiń Shveısarıanyń qoǵamdyq teleradıo kompanıasy SRF-ke aıtýynsha, atys týraly habarlama shamamen tańǵy 02:30-da túsken. Oqıǵa kezinde Aaraýdyń Shahen aýdanyndaǵy at sporty alańynda «Aarau Rave VOL. 7» atty shara ótip jatqan. Órt sóndirý qyzmeti aınalanyń úlken bóligin qorshaýǵa alǵan.
Qazirgi ýaqytta iri polısıa operasıasy júrgizilýde, jergilikti turǵyndarǵa aımaqtan aýlaq bolý usynyldy. Polısıa kúdiktini áli izdep jatqanyn málimdedi. Aaraý qalasynyń turǵyny shamamen 22 300 adamdy quraıdy.