Almatyda Shyǵys aınalma avtomobıl jolyndaǵy elıtalyq kólikterdiń áserli korteji polısıanyń nazaryn aýdardy. Buzýshylar jaýapkershilikke tartyldy, dep habarlaıdy infohub.kz.
Almaty qalalyq Polısıa departamentiniń baspasóz qyzmetiniń málimetinshe, ońtústik astananyń aınalma jolyndaǵy elıtalyq kólikter kortejiniń vıdeosy áleýmettik jelilerde taralyp ketken. «Bul kadrlar ınternet-keńistikti monıtorıńteý barysynda polısıa qyzmetkerleriniń nazaryn aýdardy. Júrgizýshiler Shyǵys aınalma avtomobıl jolymen soltústik baǵytta qozǵalyp kele jatyp, jol qozǵalysy erejelerin birneshe ret buzǵany anyqtaldy. Qysqa merzimde ákimshilik polısıanyń izdestirý bólimshesiniń qyzmetkerleri avtokólik sherýiniń barlyq qatysýshylarynyń jeke basyn anyqtap, olardy ákimshilik jaýapkershilikke tartty», — delingen habarlamada.
Júrgizýshilerge qatysty avarıalyq jaǵdaı týǵyzý, jasandy keptelis jasaý, avtomobıldi zańsyz tonırovkamen basqarý, sondaı-aq qaýipsizdik beldigin paıdalaný erejelerin buzý faktileri boıynsha ákimshilik materıaldar toltyryldy. «Kóliktiń qunyna, júrgizýshiniń mártebesine nemese qoǵamdyq nazarǵa qaramastan, Jol qozǵalysy erejeleriniń talaptary barlyǵyna birdeı jáne mindetti túrde oryndalýǵa tıis», — dep málimdedi PD-da.