Almatyda taý shańǵysy ınfraqurylymyn keńeıtý josparlanýda. Joba iske asqannan keıin «Shymbulaq» kúnine 30 myńǵa deıin kelýshini qabyldaı alady, dep habarlaıdy infohub.kz saıty.
Almaty ákimdigi «Shymbulaq» jáne Oi-Qaragai taý shańǵysy kýrorttaryn «Medeý» bazalyq stansıasy arqyly birtutas júıege biriktirmek. Bul týraly qalalyq týrızm basqarmasy habarlady.
Joba 30 jańa kanat jolyn salýdy, 151 shaqyrym taý shańǵysy trassasyn jasaýdy, sondaı-aq qoldanystaǵy ınfraqurylymdy jańartýdy kózdeıdi.
«Joba iske asqannan keıin taý shańǵysy júıesiniń ótkizý qabileti bes esege – kúnine 6 myńnan 30 myń kelýshige deıin artady», – dep málimdedi týrızm basqarmasynda.
Sonymen qatar Almatyda 2029 jylǵa deıingi Almaty taý klasterin damytýdyń keshendi jospary ázirlenýde. Qujat jeti baǵyt boıynsha 73 is-sharany qamtıdy.
«Jospar taý ınfraqurylymyn damytýdy, taý shańǵysy kýrorttarynyń biryńǵaı júıesin qurýdy, jańa kanat joldaryn salýdy jáne týrısik baǵdarlardy damytýdy kózdeıdi», – dep vedomstvo málimdedi.
Josparlanǵan jobalardy iske asyrý sheteldik týrıser aǵynyn eki esege derlik arttyrady – 986 myńnan 1,7 mln adamǵa deıin. Sonymen qatar, boljam boıynsha, týrısik salada jumys isteıtinderdiń sany 101,8 myń adamǵa deıin ósedi.