Shymkentte búrektiń qaterli isigin alǵash ret muzdatý arqyly joıdy: qalaǵa TMD jáne Azıa elderinen kelgen hırýrgter men radıologtar onkologıany emdeýdiń ozyq ádisterin talqylaýǵa jınaldy. Halyqaralyq sheberlik saǵatynyń basty oqıǵasy — qalada tuńǵysh ret jasalǵan krıoablásıa prosedýrasy, dep habarlaıdy infohub.kz saıty.
Dárigerler óte tómen temperatýranyń kómegimen búırek isigin sátti joıdy.
Sheberlik saǵatyna Sankt-Peterbýrgtegi N. N. Petrov atyndaǵy ulttyq medısınalyq onkologıa zertteý ortalyǵynyń jetekshi onkologtary, Ýlan-Batordaǵy Japon-Mońǵol ýnıversıtettik klınıkasynyń mamandary, Seýlden kelgen ıntervensıalyq radıologtar, sondaı-aq Ózbekstan men Qyrǵyzstannyń jetekshi onkoortalyqtarynyń hırýrgteri qatysty.
Sonymen qatar Fransıa men Avstralıanyń onkologtary sheberlik saǵatyna onlaın qosyldy.
Prosedýranyń ózine kelsek, onkologtardyń aıtýynsha, bul — isik tinin tómen temperatýranyń áserimen joıatyn az ınvazıvti ádis. Odan bólek, segiz naýqasqa zamanaýı az ınvazıvti tehnologıalar qoldanylyp, em júrgizildi.
Krıoablásıa qalaı jasalady
Ota barysynda zaqymdalǵan aımaqqa tesik nemese jińishke kateter arqyly krıozond nemese krıoballon engiziledi. Ol arqyly salqyndatqysh zat, mysaly suıyq azot, beriledi. Sodan keıin tindegi temperatýra -80 °S-tan tómen túsip, patogendi jasýshalar joıylady.
Muzdatylǵan jerde qorǵanysh tyrtyq paıda bolady, ol durys emes ımpúlsterdiń ótýin bógeıdi nemese isiktiń ósýin toqtatady.
Jalpy kezdesý aıasynda sheteldik jáne jergilikti mamandar 15 kúrdeli az ınvazıvti ota jasaıdy.
Buǵan deıin Densaýlyq saqtaý mınıstri Aqmaral Álnazarovaǵa Almatyda robot-hırýrgter onkologıany emdeýdi qalaı ózgertip jatqany týraly aıtylǵan bolatyn.