Túrkistan oblysyndaǵy Badam stansıasynyń bes kámeletke tolmaǵan turǵyny Tashkent — Almaty baǵytyndaǵy jolaýshylar vagonynyń terezesin syndyrdy. Oqıǵa úshin jaýapkershilik ata-analaryna júkteldi, dep habarlaıdy infohub.kz saıty.
İshki ister mınıstrliginiń aqparattyq medıaportalynyń málimetinshe, oqıǵa Badam — Igılık aralyǵynda bolǵan. Belgisiz adamdar jolaýshylar quramynyń syrtqy terezesin syndyrǵan.
Jedel izdestirý sharalary barysynda Shymkent stansıasyndaǵy kóliktegi polısıa basqarmasynyń qyzmetkerleri buzýshylardy anyqtady. Olar Badam stansıasynyń 8, 9 jáne 10 jastaǵy bes turǵyny bolyp shyqty.
Shymkent stansıasyndaǵy kóliktegi polısıa basqarmasy bastyǵynyń orynbasary Eskendir Baımyrzaevtyń aıtýynsha, balalar zańdy ókilderiniń qatysýymen bolǵan oqıǵaǵa qatystylyǵyn moıyndady.
Ata-analarǵa qatysty kámeletke tolmaǵandardy tárbıeleý jáne olardyń qaýipsizdigin qamtamasyz etý mindetterin tıisinshe oryndamaǵany úshin materıaldar toltyryldy. Sot sheshimimen ata-analardyń árqaısysy aıyppul tóledi.
«Júrip kele jatqan poıyzdardyń terezesin syndyrý — bul beıkúná buzaqylyq emes, jolaýshylar men temirjol qyzmetkerleriniń qaýipsizdigine naqty qater. Tipti bir laqtyrylǵan zat adamdardyń jaraqat alýyna ákelýi múmkin», — dedi Eskendir Baımyrzaev.