Shymkentte kópqabatty úıdiń podezinde segiz jasar qyzǵa qol suqqany úshin buryn tek aıyppulmen qutylǵan er adamnyń úkimi qaıta qaraldy, dep habarlaıdy infohub.kz saıty.
Eske salaıyq, maýsym aıynda Shymkentte podezde segiz jasar qyzǵa shabýyl jasady dep aıyptalǵan 56 jastaǵy er adamǵa qatysty sot ótken bolatyn. Ol qyzdy ashyq túrde ustap, súıip, óz úıine alyp ketpek bolǵan. Alaıda qyz qashyp qutylyp ketken. Sonda er adam nebári 216 myń teńge aıyppul tólep, bostandyqqa shyqqan.
Keıin prokýratýra úkimge shaǵymdandy. Sot alqasy birinshi satydaǵy sottyń sheshimin joıyp, is materıaldaryn tergeý satysyna qaıtardy.
Telearnanyń dereginshe, aıyppul týraly sheshim qoǵamda keń rezonans týdyrǵan. Mine, úsh aıdan keıin is qaıta qaraldy. Sot sheshimimen sottalýshy túrmede 7,5 jyl ótkizedi.
«Jábirlenýshiniń paıdasyna 3 mln teńge moraldyq zıan óndirildi», — dep qosty Shymkent sotynyń baspasóz qyzmeti.
Sot úkimi zańdy kúshine engen joq.