21 jastaǵy Nuraı Serikbaıdyń qazasyna baılanysty is boıynsha negizgi sot otyrysy 28 shildede bastalady. Bul sheshim 23 shildede Shymkentte ótken aldyn ala tyńdaýda qabyldandy, dep habarlaıdy infohub.kz.
Otyrysta jábirlenýshi taraptyń advokaty Aıanhan Omarov prosesti tikeleı onlaın translásıalaýdy surady. Onyń pikirinshe, ashyq efır qoǵam úshin mańyzdy jáne Qazaqstanda stalkıng úshin qandaı jaýapkershilik qarastyrylǵanyn naqty kórsetedi. Aıyptalýshynyń qorǵaýshysy buǵan qarsy boldy. Sýdıa Sammıdın Temıralıev ótinishti qabyldamady, alaıda jýrnalıserdiń sot zalynda bolýyna ruqsat ekenin atap ótti.
Tergeý aıyptalýshyǵa Qazaqstan Respýblıkasy Qylmystyq kodeksiniń birneshe baby boıynsha aıyp taǵyldy: 115-1-bap (stalkıng), 125-1-bap (nekege kúshtep turǵyzý) jáne 99-baptyń 2-bóliginiń 5-tarmaǵy (asa qatygezdikpen kisi óltirý).
Qaıǵyly oqıǵa 2026 jylǵy 11 qańtar kúni keshke Shymkentte boldy. Nuraıdyń tanysy oǵan pyshaqpen ólimge ákeletin jaraqat salyp, izin jasyrǵan. Ol eki kúnnen keıin ustaldy.