Qytaı Halyq Respýblıkasynyń tóraǵasy Sı Szınpın Amerıka Qurama Shtattaryna memlekettik saparmen barady — sapar 23–25 qyrkúıekke josparlanǵan. Bul týraly resmı habarlamany Qytaı Syrtqy ister mınıstrligi jarıalady, dep habarlaıdy infohub.kz saıty.
Qytaıdyń syrtqy saıasat vedomstvosynyń saıtynda jazylǵandaı, Sı Szınpın AQSH-qa AQSh Prezıdenti Donald Tramptyń shaqyrýymen barady.
Bloomberg dereginshe, QHR tóraǵasy úshin bul 2023 jyldan bergi AQSH-qa alǵashqy sapary. Ol kezde ol AQSH-tyń eks-prezıdenti Djo Baıdenmen kezdesken bolatyn, sapar San-Fransıskodaǵy samıtke qatysýdy da qamtyǵan.
Agenttik atap ótkendeı, taraptar byltyr Ońtústik Koreıada kelisken saýda soǵysyndaǵy bitimdi uzartý perspektıvasy barǵan saıyn naqtylanyp keledi, óıtkeni qazir amerıkandyq energetıka jáne aýyl sharýashylyǵy sektorlarynyń ónimderin qosa alǵanda, birqatar taýarǵa baj salyǵyn aıtarlyqtaı tómendetý máselesi talqylanyp jatyr.