Qaramaı saqalyńa, shaldyǵyńa,
Jarasyp turýshy edi qaljyńym da.
Qarabaıdaı qataıyp alypsyń ǵoı,
Ata,Sen, shynymenen aljydyń ba?!
Suryń da, súhbatyń da sondaı bóten!
Buıymym bar,
Úıińe qonbaı ketem.
...Jylamaǵan sábıge emshek bermes,
Jylamasam aldynda bolmaıdy eken.
Men seni syılamasam, túsinbesem,
Júrmes eń ár jyrymnyń ishinde sen.
O, meniń paıǵambarym!
Sen bolmasań,
Tiri pende aldynda kishirmes em.
At basy altyn berse tabylmaǵan,
Enshim bar meniń sende alynbaǵan!
Qobyzyń emes pe edim qolyńdaǵy,
Umyttyń nege meni janym-babam?
Qatybas ómirden men paıda almadym,
Janymmen jazǵan jyrym - jaıǵan malym.
Qylyshyń emes pe edim qynaptaǵy,
Joǵalttyń nege meni paıǵambarym?!
At basy altyn berse tabylmaǵan,
Sybaǵam qaıda meniń alynbaǵan?
...Bir túıir kári kózdiń jasy emes pe em,
Ushynda saqalyńnyń damyldaǵan?!

---