Jońǵar-Alataý memlekettik ulttyq tabıǵı parkiniń taýly bóliginde beınebaqylaý kameralary sibir taý eshkileriniń (sibir taý tekesi) úıirin tabıǵı ortada túsirip aldy, dep habarlaıdy infohub.kz saıty.
NUR.KZ agenttiginiń Orman sharýashylyǵy jáne janýarlar dúnıesi komıtetine silteme jasap habarlaýynsha, túsirilim monıtorıń barysynda júrgizilgen. Kameralar sibir taý eshkilerin (Capra sibirica) ózderine tán bıik taýly jaǵdaıda beınelegen.
«Bıik taýlar men jartasty aımaqtar — bul janýarlardyń ádettegi mekeni. Sibir taý eshkisi kúrdeli taý relefine jaqsy beıimdelgen jáne taý ekojúıeleriniń azyqtyq tizbegindegi mańyzdy býyn bolyp sanalady», — dedi Ekologıa mınıstrliginiń Orman sharýashylyǵy jáne janýarlar dúnıesi komıtetinde.
Vedomstvo sonymen qatar alynǵan kadrlardyń ǵylymı qundylyǵy zor ekenin atap ótti: beınematerıaldar mamandarǵa janýarlardyń mekendeý oryndaryn, qozǵalysyn jáne minez-qulqyn zertteýge kómektesedi.
Eske salaıyq, buǵan deıin qazaqstandyq áıel áleýmettik jelilerde Almaty taýlarynda qar barysymen kezdeskeni týraly beınejazba jarıalaǵany habarlanǵan. Onyń aıtýynsha, jyrtqysh «taý soqpaǵyna jaı ǵana shyǵyp kelgen». İle-Alataý memlekettik ulttyq tabıǵı parki Almaty taýlarynda týrıserge soqpaqqa shyqqan qar barysynyń minez-qulqyn túsindirgen bolatyn.