Aqmola oblysy, Stepnogorsk qalasy
№2 Bestóbe orta mektebiniń
qazaq tili men ádebıeti pániniń muǵalimi.
Anargúl Kókesheva

Qys mezgili. Syn esim. (5 synyp)
Sabaqtyń maqsaty:
Bilimdilik: Qys mezgiline baılanysty jańa sózderdi meńgertý, Damytýshylyq: oqýshylardyń aýyzeki sóıleý daǵdylaryn qalyptastyrý, tanymdyq qabiletterin, belsendiligin arttyrý, syn esimderdi aýyzeki sóıleý tilinde jáne jazba jumystarynda durys qoldana bilýge daǵdylandyrý.
Tárbıelik: qys mezgiliniń ózine tán ereksheligin, ásemdigin kórsete bilý, oqýshylardy tabıǵatty súıýge tárbıeleý.
Sabaqtyń túri: jańa sabaq
Pánaralyq baılanys: orys tili, sýret
Kórnekiligi:
1. Jyl mezgiline baılanysty sýretter, keste - tablısa, oqýlyq.

Sabaqtyń barysy:
İ. Uıymdastyrý kezeńi. Oqýshylarmen amandasý, kezekshiniń habarlamasy.
İİ. Úı tapsyrmasyn tekserý: Qys mezgiline baılanysty sýretter salyp, ony qazaq tilinde qorǵaý.
Oqýshylardyń qyzyǵýshylyǵyn oıatý.
- Balalar, bir jylda neshe mezgil bar ?
- Senderge jyldyń qaı mezgili unaıdy ?
- Qysta aýa raıy qandaı bolady ?
- Qysta qandaı merekeler bolady ?
- Qazir jyldyń qaı mezgili ?

İİİ. Jańa sabaq: Búgingi bizdiń toqtalatyn taqyrybymyz «Qys mezgili» jáne gramatıkalyq taqyrybymyz: Syn esim.
1. Sabaqtyń maqsatymen tanystyrý.
2. Sózdikpen jumys (Aýyzsha sózdermen sóz tirkesin jáne sóılem qurastyrý).
Qalyń - gýstoı;
Qalyń – qalyń qar; Qalyń qar jaýdy.
Aıaz - moroz;
Aıaz - qatty aıaz; Qańtarda qatty aıaz bolady.
Shańǵy - lyjı;
Shańǵy - shańǵy tebý; Qysta shańǵy tebemin.
Ton - shýba;
Ton - jyly ton; Maǵan anam jyly ton satyp áperdi.
- Balalar, qys mezgili nesimen qyzyqty?
- Qandaı merekeni asyǵa kútesińder?
- Qys aılaryn atańdar.

Oqýlyqpen jumys.
1- jattyǵý. Dıalogty rólge bólip, túsinip oqý.
Dybystyq taldaý: «Qys, boran» sózderi (matematıkalyq tásilmen)
Boran - 5o= 2 +3

T.q.q: jýan 2 (o,a)
jińishke (-)

J.q.q: ashyq 2 ( ( o,a)
qysań (-)
E.q.q: erindik 1 (o)
ezýlik 1 (a)
Qatań: (- )
Uıań: 1 (b)
Úndi: 2 ( r,n)
Bo- ran- 2 býyn; 1-ashyq býyn, 2- biteý býyn.

Gramatıkalyq taqyrypty meńgertý: Syn esim. (Erejesin túsindirý, mysaldardy oqýshylardyń ózine aıtqyzý).

Tapsyrma. Myna sózderge tıisti jurnaqtardy jalǵaý arqyly syn esim jasap, sóılem quraý.
Mysaly: Mereke - merekelik; Jańa jyldyq merekelik dastarqanǵa daıyndalyp jatyrmyz.
Qys, qar, kúz, mereke, qyzyq, aıaz, orman, kesh, qarańǵy, mereke.

Refleksıa.
Úıge tapsyrma
1. Jańa sózderdi, erejeni jattaý.
2. 2-jattyǵý. Keste boıynsha áńgime qurastyrý.
Baǵalaý.