Úndistannan shyqqan Anýradha men Vıkas Sınha erli-zaıyptylary Soltústik Tehas ýnıversıtetine (UNT) 20 mıllıon dollar berdi. Bul qarajatqa oqý ornynyń quramynda olardyń esimimen atalatyn jańa kolej ashylady, dep habarlaıdy infohub.kz saıty.
NDTV jazýynsha, bul iri qaıyrymdylyq Anýradha men Vıkas Sınha atyndaǵy Jasandy ıntellekt jáne ozyq analıtıka kolejin ashýǵa baǵyttalǵan.
Jańa kolej jasandy ıntellekt, kıberqaýipsizdik, derekter ǵylymy, medısınalyq ınformatıka jáne bilim berý tehnologıalary salalaryndaǵy baǵdarlamalardy biriktiretin iri akademıalyq ári zertteý ortalyǵyna aınalady.
Bólingen qarjy alty turaqty maqsatty qor qurýǵa jumsalady. Olar stýdentterge stıpendıa, profesorlyq qyzmetter, ǵylymı-zertteý jobalary, kásipkerlikti qoldaý jáne ozyq tehnologıalardy damytýǵa qarjy bólip otyrady.
2023 jyly Soltústik Tehas ýnıversıtetinde doktorlyq dısertasıasyn qorǵaǵan Vıkas Sınha jasandy ıntellekt qazirgi zamannyń aıqyndaýshy tehnologıalarynyń biri ekenin, al ýnıversıtetter bolashaq mamandardy daıarlaýda sheshýshi ról atqaratynyn atap ótti.
Ol sondaı-aq bul qadam otbasynyń jańa býyn stýdentterdi qoldaýǵa jáne AQSH-taǵy ǵylym men bilimniń damýyna ımıgranttardyń qosqan úlesin kórsetýge degen umtylysyn bildiretinin aıtty.
Buǵan deıin erli-zaıyptylar osy ýnıversıtetke qarjylaı kómek kórsetken. Sonyń arqasynda 2024 jyly oqý ornynda Derekter ǵylymy departamenti ashylǵan.