Qazaqstan sırek jáne sırek jer metaldary óndirisine ınvestısıany arttyrýdy kózdep otyr. Bul týraly QR Ónerkásip jáne qurylys mınıstri Qanat Sharlapaev Májilistegi úkimet saǵatynda málimdedi, dep habarlaıdy infohub.kz saıty.
— Sırek jáne sırek jer metaldary salasyn damytýdyń 2024–2028 jyldarǵa arnalǵan keshendi jospary bekitildi. Ol ınvestısıa men óndiris kólemin 40%-ke arttyrýdy kózdeıdi. Memlekettiń syrtqy ekonomıkalyq baılanysy sheshýshi ról atqarady. Mınıstrlik Eýropalyq Odaqpen, AQSH-pen jáne Ulybrıtanıamen yntymaqtastyqty nyǵaıtty, — dedi Q. Sharlapaev.
Naqty nátıjeler retinde mınıstr lıtı ken oryndaryn birlesip ıgerý (nemis HMS Bergbau kompanıasymen, $500 mln), qaıtalama shıkizatty óńdeý (brıtandyq Maritime House Ltd kompanıasymen) jáne sırek jer, synı metaldar (amerıkandyq Cove Capital LLC kompanıasymen) boıynsha jasalǵan kelisimderdi atap ótti.
— Salany damytý tujyrymdamasynda biz mıneraldyq bazany ulǵaıtý, zamanaýı tehnologıalardy tartý, qoldanystaǵy óndiristi keńeıtý maqsatyn qoıamyz. Eń bastysy — Qazaqstannyń jahandyq qun tizbeginiń ortańǵy býynyndaǵy rólin nyǵaıtý, — dep qosty Q. Sharlapaev.