Qazaqstannyń Ǵylym jáne joǵary bilim mınıstrligi tamyzdaǵy UBT-2026 qorytyndysyn shyǵardy. Testileýge 27 myńnan astam talapker qatysty, onyń 53 paıyzy shekti bal jınady. Bes pán boıynsha ortasha nátıje 55 bal, al maksımaldy kórsetkish – 136 boldy. Sondaı-aq testileýge erekshe bilim berý qajettilikteri bar 98 talapker qatysty, dep habarlaıdy infohub.kz saıty.
Tamyzdaǵy UBT kezinde erejeniń 66 buzýshylyǵy tirkeldi. Onyń 30-y smartfon, shpargalka jáne basqa da tyıym salynǵan zattardy ótkizýge tyrysqany úshin testileýge jiberilmedi. Taǵy 36 adam emtıhan kezinde tikeleı buzýshylyq jasaǵany úshin aýdıtorıadan shyǵaryldy. Mınıstrlikte bógde adamdardyń qatysý faktileri anyqtalmaǵanyn atap ótti.
Vedomstvo tekserý munymen aıaqtalmaıtynyn eske saldy. UBT aıaqtalǵannan keıin testileý beınejazbalary 31 qazanǵa deıin taldanady. Mamandar tyıym salynǵan zattardy paıdalanýdy nemese basqa da buzýshylyqtardy anyqtasa, testileý nátıjeleri joıylady.
Kolej túlekteri óz mamandyǵy boıynsha aqyly negizde joǵary oqý ornynda oqýdy jalǵastyrǵysy kelse, áńgimelesý nátıjeleri boıynsha túse alady. Bul jaǵdaıda qujattardy joǵary oqý oryndarynyń qabyldaý komısıalary qabyldaıdy.
Aldyńǵy kúni úkimet otyrysynda ǵylym jáne joǵary bilim mınıstri Saıasat Nurbek Qazaqstanda úzdikter nelikten grantsyz qalatynyn túsindirdi.