Amerıkalyq ınvestor ári Sofreh Capital negizin qalaýshy Shervın Pıshevar Qazaqstanda kompanıa keńselerin ashyp, komandasyn osynda kóshirip, jergilikti jasandy ıntellekt ekonomıkasyn damytýǵa qarjy salý nıetin jarıalady. Ol bul týraly Astanada ótken AI & Digital Bridge 2026 forýmynda málimdedi, dep habarlaıdy infohub.kz saıty.
Investordyń aıtýynsha, ol úshin eldiń tartymdylyǵy ınjenerlik kadrlar, ınovasıalardy memlekettik qoldaý jáne tabıǵı resýrstardyń úılesiminen qalyptasady. Ol ǵarysh jáne ıadrolyq salalardy bólek atap ótti.
«Men Sofreh Capital keńselerin ashqym, komandany osynda kóshirgim keledi jáne Qazaqstannyń bolashaǵyna belsendi ınvestısıa salǵym keledi», — dedi Pıshevar.
Investor sondaı-aq jergilikti tehnologıalyq áleýettiń dáleli retinde qazaqstandyq Higgsfield AI-kompanıasyn mysalǵa keltirdi. Onyń aıtýynsha, bul kompanıa 1 mlrd dollar kiriske qol jetkizgen.
Pıshevar Sofreh Capital keńselerin ashyp, komandany Qazaqstanǵa kóshirý nıetin rastady, alaıda naqty merzimderdi atamady. Sondaı-aq qor jergilikti jobalarǵa qansha qarjy salatyny ázirge belgisiz.
Investor Qazaqstannyń ǵarysh salasynyń — spýtnıkterdi ushyrýdan bastap óndirýge deıingi — perspektıvalaryn bólek atap ótti. Onyń aıtýynsha, bolashaqta ǵaryshtaǵy esepteý ınfraqurylymyn damytý trıllıondaǵan dollarlyq naryqqa aınalýy múmkin.
Osylaısha, ázirge naqty kóshý nemese jarıalanǵan ınvestısıalyq joba emes, josparlar týraly ǵana aıtylyp otyr. Bul málimdeme AI & Digital Bridge 2026 forýmynyń The New Economy: Powered by AI sesıasynda jasaldy.
Buǵan deıin «Kýrsıv» Baǵdat Mýsınniń «Qazaqstannyń búkil aýmaǵy «DSOD ańǵaryna» aınalýy múmkin» degen málimdemesi týraly jazǵan bolatyn.