Soltústik Qazaqstan oblysynda kópir salý kezinde eki adamnyń jáne ejelgi janýardyń súıekteri tabyldy — bul týraly infohub.kz saıty habarlaıdy.
Sırek kezdesetin olja Petropavl mańyndaǵy Prıbrejnoe aýylynyń janynan tabylǵan. Artefaktilerdi kópir salý kezinde qum karerin ekskavatormen qazǵan jumysshylar baıqaǵan. Tabylǵan zattardy jer betine shyǵaryp, dereý polısıa qyzmetkerlerin shaqyrǵan.
Quqyq qorǵaý organdary tekserý júrgizip, qylmystyq sıpattaǵy belgiler anyqtalmaǵanyn málimdedi.
Sonymen qatar, tarıh ǵylymdarynyń kandıdaty, arheolog Anatolı Pleshakov janýardyń súıekterin zerttep úlgerdi. Aldyn ala derekterge qaraǵanda, tabylǵan súıekterdiń biri osy aýmaqta shamamen bizdiń dáýirimizge deıingi 12 myńjyldyqqa deıin ómir súrgen júndi múıiztumsyqqa tıesili. Adam súıekteri qaı kezeńge jatatyny ázirge belgisiz. Sondyqtan ǵalymdar tabylǵan artefaktilerdi de, karerdiń ózin de tolyǵyraq zertteýdi josparlap otyr.
«Júndi múıiztumsyq — biz aıtyp júrgendeı, mamont faýnasy, bul paleolıt kezeńi, muz dáýiri. Eger osy bas súıekterdiń kem degende bireýi sol ýaqytqa jatatyn bolsa, bul asqan sensasıa bolar edi. Eger mamont faýnasynyń tabylymdary sensasıa dep aıtyp júrsem, onda bul asqan sensasıa bolar edi. Óıtkeni bas súıekterdiń bireýi qatty zaqymdalǵan, sondyqtan bul óte qyzyq», — deıdi arheolog Anatolı Pleshakov.